|N001|lch Reynhart, herre zu Westerburg, bekennen offenlich mit disem brief und tun kunt allen den, die in sehent, horent oder |N002|lesent, wann mir der allerdurchluchtigst furste und mein gnediger herre her KarI, Romischer kunig und kunig |N003|zu Beheim , die gnad getan hat, daz er mir meine lehen, diu ich von dem reich ze recht haben sol gnedichlich ver¬ |N004|lihen hat, und mir dar zu uf seinem zolle uf dem Ryn von iedem fuder weins zwen grozze turnos, wo oder |N005|wie ich die erwerben mag von fursten, herren und friunden, die zolle uf dem Reyn haben uzgenumen, der burger |N006|von Coln, die dar inn nicht sullen begriffen, sein gegeben und verschriben hat, dar umb han ich im gehuldet, ge¬ |N007|lubt und gesworn, daz ich im getrewe gehorsam und undertenig sein wil und sol, als einem Romischen kunge und |N008|meinem rechten herren und im geholfen sein sol, wider aller menichlich, die weil er lebt an allez geverde und gelobe |N009|im auch getriwlich ze helfen und dinen mit fumfczig man, mit helm uf sein kost in dutschen landen, nicht in daz |N010|Gepyrg noch uber walt, wenn er mich dez ermont. Dar uber zu urkund gib ich disen brief, versigelt mit |N011|meinem insigel, der geben ist zu Mentz, nach Crists geburt dreuezehen hundert und neun und vierezig jar |N012|an dem suntag der heiligen drivalticheit .