|N001|Ich Ulrich Chramer von Sülczbach, bekenne und verich offenlich mit disem brief für |N002|mich und alle mein erben, daz ich verzeich ledig und los sag den hochgeborn fürsten und |N003|meinen gnedigen herren hern Rüdolffen, pfallntzgraven an dem Rine und herczog in Beyern, alle |N004|der schulde und ansprach, di ich und alle mein erben hin zu meinen vorgenanten herren haben, und |N005|sag ich und alle mein erben, meinen vorgenanten herren und sin erben, der vorgeschriben ansprach quit |N006|und ledig mit disem brief. Und waz brief ich und alle mein erben von unserm eegenanten herren ha¬ |N007|ben, di sullen alle furbaz immer mee, ewiclichen tod sin und weder kraft noch maht haben, und wo |N008|mich mein vorgenanter herre zu Porgen geseczzet hat, da sol mir mein vorgenanter herr fürbaz nihtes |N009|mee schuldig sin und auch doz ich um mein erben, da von nemen, da sol unser here furbaz |N010|nihts mee schuldig sin, wer auch doz ich und mein erben keynen schaden genomen hetten von der |N011|schuld wegen, dar umb ich für meinen vorbenanten herren behafft bin gewesen, da sol ich noch keyn mein |N012|erbe keyn ansprach nimmer mee nach gehaben. Und dez zu urkunde gib ich meinem vorgenanten herren dis¬ |N013|en brief, versigelt mit meinem insigel, daz dar an hanget, und der vorgeschriben stukke, artikeln und sache |N014|sint durch meiner bet willen, gezewgen mein lieb herren del edel vest ritter her Kun von Reiffenberch |N015|und her Heinreich von der Wysen, ein ritter, zu den ziten meins herren hertzog Rudolfen hofmeister, und her Ekhart|N016|der Rehsse, ein ritter, meins vorbenanten herren obrigster schenkke . Der brief ist geben zu Sulczbach, |N017|do man von Kristus geburt zalt drewczehen hündert jar, dar nach in dem ahten und viertzigsten |N018|jar an dem nehsten donerstag nach sant Nyclas tag, des heyligen bischolfs .