|N001|Wir Rudolf von Gots gnaden hertzog zu Sachsen und oberister marschalch des Heyligen Romischen|N002|riches bechennen an disen brief offentlichen, daz uber alle raittung und abslack, die an disem |N003|heutigen tag geschehen ist zwischen den hochgeborn fürsten, unsern liben schwager chunig Johans|N004|von Beheym und unserm oheym margraf KarIl von Morchern und uns, daz si uns nicht me |N005|schuldich beleibent, dann fumf tusent schock grozzer prager pfenning und neun hundert schock |N006|der selben pfenning, dar für si uns gesatzt habent Burglins und Myesenburch mit alle dem, daz |N007|dar zu gehort, als di brif sprechent, die si uns dar uber gegeben habent, und funf tausent |N008|schock der vorgenanten pfenning, da vür uns stat sunderlichen Pyrn, hus und stat und daz |N009|hus zu Chunigsteyn mit alle dem, daz dar zu gehort, als ouch die prief sprechent, di dar |N010|uber gegeben sint, dez habent si uns beweist fumfzich schock grozzer prager pfenning auf |N011|iren berchworchen zu Chutten und zu der Bresnitz all wochen auf ze nemen und wi vil |N012|wir das auf genemen, daz sulle wir in abeslahen an dem egenanten gelt. Zu urchund dis |N013|brives, der gegeben ist ze Prag, da man zalt nach Gots geburt dreuczehen hundert|N014|jar, dar nach in dem einundvirtzigistin jar an dem nechsten vritag nach dem tag der |N015|Drivalticheit , versigelten mit unserm insigell.

|N001|Registrata per Ulricum.