|N001|Wir Jost, des hochgebornen fursten her Johansen marggrafen zu Merhern, unsirs lieben herren, |N002|erstgeborner sun, von Gotes genaden marggrafe und herre des landes zu Merhern, bekennen und |N003|tun kunt offenlich mit diesem briefe allen den, die yn sehen oder horen lesen, wie wol das sey, das |N004|wir uns in briefen, die wir geben haben oder furbas geben werden, herren des landes zu Merhern |N005|nennen und seys, das dennoch sulche nennunge einem iglichen kunige, dem kunigreich und der |N006|cronen zu Beheim, von unser, unsern erben und nachkumen, marggrafen und herren des landes |N007|zu Merhern wegen, die sich auch also schreiben wurden, allewege unschedlichen sein sol. An dem |N008|bischofe zu Olomuucz und dem herczogen zu Troppaw, die in zeiten werden, ausgenomen dem |N009|lantbern uff des bischoffs guten in Merhern, als es in den alten teilbriefen vollenkomenlicher |N010|begriffen ist. Mit urkunt dicz briefes vorsigelt mit unserm anhangenden ingsigel, der geben |N011|ist zu Bressla noch Crists geburte dreyczehenhundert jar, darnach in dem zwey und sibenczig|N012|sten jare an sant Scolastican tag, der heligen jungfrawen .