Diuino atestante eloquio didici, quia quicquid misericorditer ac respectu pietatis inpenditur, et auctorem suum adiuuare et in die remuneracionis optatum ei premium adportare (sic). Sciant igitur presentes ac posteri, quod ego Zmielo de Graetzen diuinis inspiracionibus informatus ecclesiam meam in Reychenaw\e, cuius collacio et jus patronatus iure hereditario ad me spectat, tradidi domui beate Marie virginis in Hohenfv^ort ordinis Cysterciensis cum tercia parte omnium decimarum cunetarum villarum, que ad prefatam dinoscuntur ecclesiam pertinere, iure perpetuo possidendam in meorum peccaminum remissionem et ob remedium propinquorum meorum, qui de hoc seculo migrauerunt, sperans per hec et alia beneficia, quibus deum honorare desidero in seruis suis, quandoque aput dominum omnium bonorum retributorem misericordiam inuenire. Hoc etiam uolui tnemorie commendandum, quod eiusdem ecclesie plebanus nomine Paeblo, cui eandem contuli, propter deum eam possideat ad dies suos; post mortem uero predicti sacerdotis antedicte ecclesie collacio spectat ad abbatem et conuentum in Hohenfvrt pleno iure. Vt autem hec rata permaneant et nulla queant inposterum calumpnia perturbari, presentem cartam predictis fratribus tradidi meo sigillo et dilecti cognati mei domini Hainrici de Rosenberch sigilli munimine roboratam. Huius rei testes sunt: Dominus Hainricus cognatus meus de Rosenberch, dominus Hainricus et dominus Wocho fratres dicti de Chrvmbenaw\e , dominus Albertus de Strobnitz, dominus Benisius de Horach, dominus Shenko de Dvdlieb, Dw\ersata de Cypping, Watzlaus purcrauius de Rosenberch, Albero et Bvdilaus fratres de Horach, et alii quam plures. Actum anno in Rosenberch anno domini M^o CC^o nonagesimo primo.

Source Fulltext: PANGERL, Stift Hohenfurth (=FRA II/23, Wien 1865) S. 45-46