Ich^a Margret Mochlin von Rapreschwilr¹ tun kunt mit disem brief, dz ich vff den||
tag, als diser brief geben ist, kam gen Zurich in miner herren von Wettingen²||
hus mit Hensli Meyer von Schlierren³ Heini^b Meyers sun von Schlierren||
minem elichen man vnd offenbart mich da dem erberen geistlichen herren her Rudolf Wulflinger gross keller ze Wettingen. Ich bewist och mit guter kuntschaft, dz ich von allen minen vordren fry gewesen bin, vnd eignet mich dem selben grossen keller in namen vnd an statt des gotzhus ze Wettingen mutwilleklich frilich wolbedacht vnd vnbetwungen mich vnd mini kind, ob mir die werdent, hinnen hin ze haltent als ander ir eigen lut, vnd han dz getan mit gunst vnd gutem willen des obgenanten mins elichen mannes vnd och mit gunst vnd willen des wisen iunker Vlrichs Klingelfuss vnderuogtz ze Baden⁴, der och sin eigen insigel durch miner bett willen offenlich gehenkt hat an disen brief, im vnd sinen erben vnschedlich. Geben an donstag vor sant Iohans tag ze sunngichten nach gotz geburt vierzehenhundert iar, darnach in dem einliften jare.