Wir Fridrich von gots gnaden hertzog zu Osterrych¹ ze Styr ze Kernden vnd ze Krain graufen ze Tyrol etc. tun kunt, das vns die erbern wysen vnser besunder lieben des hailigen rychs stette mit namen Vlme, Rauenspurg², Rutlingen³, Lindowe⁴ vnd ir verpunden zu vnser lieben getruwen Lienharts von Jungingen⁵ vnd Hannsen von Bodmen⁶ vnser vogte hanndenn geben vnd bezalt haben sechs tusent Rinischer guldin an dem gelte, das si vns vff vnser herrschaft ze Rotemburg⁷ gelihen hand, dasselb gelte an des von Toggemburg⁸ bezalung kommen ist. Vnd darumb so sagen wir si vnd ir nachkommen vmb dasselb gelte gentzlich ledig quitt vnd lose vnd wollen si darumb an der bezalung mitsampt dem gelte, das si vns nachgeben sullen, mit vnserm briefe quittieren vnd ledig sagen ane geuerde. Mitt vrkunde ditz briefs. Geben vff Thyrol⁹ an mittwochen vor sant Michels tage anno domini etc. quadringentesimo decimo. D(ominu^s d(u^x in cons(ili^o.