Ich^a Hanns von Homburg vogt ze Raperswyl¹ bekenn fur mich vnd all mein erben||
mit dem brief, daz der durluchtig furst hertzog Fridreich hertzog ze Osterreich² etc. mein||
gnediger herr ain gantz volkomen raytung mit mir getan hat ze gegenwurtikeit seiner rett||
mit namen hern Purkhartes von Rabenstain³ seins hofm(eist^er, her Purkharts von Mansperg⁴ seins haubtm(anⁿ ze Hohemberg⁵ vnd hern Hannsen seins kamerschreibers vmb allen meinen sold von vergangen zeiten vmb mein purkhut ze Raperswyl vmb all alt geltschuld vnd vmb all sachen, darumb ich in vntz auf hewtigen tag anzelangen vnd zu im ze sprechen het oder maynet ze haben, es sey mit briefen veruangen oder das er mir an brief ist schuldig gewesen, vnd ist mir derselb mein gnediger herr an rechter raytung schuldig beliben viertzehenhundert vnd sechtzehen Reynischer guldin, die er mir versprochen hat ze bezalen auf sand Michels tag nachstkunftigen, des ich sein geltschuldbrief han. Vnd also sag ich den egenanten meinen gnedigen herren vnd all sein erben vmb all vergangen sachen vntz auf hewtigen tag, ausgenomen des egenanten geltschuldbriefs, gentzlich ledig vnd los. Vnd ob dhain anderr brief in meiner gewalt belib von aller geltschuld vnd zuspruch wegen, wie sich das gefugt het, nichtz dauon ausgenomen, die sullen hinfur craftlos sein vnd meinem egenanten gnedigen herren noch seinen erben kain schaden bringen an all geuerd. Vnd ze vrkund han ich mein aigen insigel gehengt an den brief. Der geben ist ze Insprugg⁶ an suntag Invocavit in der vasten nach Christs gepurd in dem viertzehenhundertisten vnd dem zehenden jare.