Wir^a Ruprecht von gots gnaden Romischer kunig zu allen zijten merer des richs enbiethen den burgermeistern||
rade vnd burgern gemeinlichen vnser vnd des heiligen richs stad czu sant Gallen vnser gnade vnd allesz gut.||
Lieben getruwen, vmb soliche gewonliche sture, so ir vns vnd dem riche jerlich phlichtig sint zu geben vnd||
fallende ist uff sant Martins tag des heiligen bisschoffs, da heiszen vnd entpheln wir uch ernslichen, daz ir dieselbe sture, die ir vns von des richs wegen uff dissen nehsten zu kunfftigen sant Martins tag verfallen werdent, richtent vnd gebent vnserm lieben getruwen Fritze Heckel, vnd wann ir daz getân habent, so sagen wir uch derselben sture von demselben zukunfftigen sant Martins tage von vnsern vnd des richs wegen mit dissem brieffe qwijd ledig vnd loys. Orkund dijs brieffs versiegelt mit vnser kuniglichen maiestat ingesiegel. Geben zu Heidelberg³ uff sant Michahels tag des heiligen ertzengels in dem jare, als mann zalte nach Cristi geburte virzehenhundert vnd nune jare, vnsers richs in dem zehenden jare.