Wir^a Rudolff von gottes genaden appt des gotzhuses ze sant Johann¹ in Thurtal in Constentzer bystum||
gelegen vnd wir der conuent gemeinlich des selben gotzhuses sant Benedicten ordens thun kunnt vnd vergehen||
offenlich mit disem gegenwurtigen brief, als wir von den erwirdigen fryen herren dem appt vnd dem||
cappittel gemeinlich des erwirdigen gotzhuses ze den Einsideln² ein vnd dryssig mut kernen Zuricher mess vnd funfftzig eyer jerlicher vnd ewiger gult kofft hatten vmb dru hundert vnd zwey vnd sibentzig pfunt Itelliger³ haller nach vnser brief lut vnd sag vff vnd ab allen iren vnd irs gotzhus gulten vnd gutern, die ze Illnow⁴ gelegen vnd inen zinshafftig oder zinsfellig sint, es syen kelnhoff schuppassen huben aker wisen holtz veld wun oder weyd, sy syen ir eygen ir erb oder lehen, wie sy geheissen genemmpt ald wo sy gelegen sint, sol man wissen, dz wir mit gutem fryem willen vnd mit gemeinem einhellegem ratt vnd mit guter vorbetrachtung den obgenanten herren dem appt vnd dem cappitel gemeinlich ze den Einsideln die vorbenempten ein vnd dryssig mut kernen vnd die funftzig eyer geltes jerlicher gult vff den vorgeschriben gulten vnd gutern wider vmb ze lossenn vnd ze koffenn geben haben och vmb dru hundert vnd zwey vnd sibentzig pfunt haller, vnd syen och des selben geltz von inen gentzlich gewert vnd ist in vnsern vnd des vorgeschriben vnsers gotzhus ze sant Johann gemeinen guten nutz komen. Dar vmb so sagen wir die obgenanten herren den appt daz cappittel vnd dz vorgeschriben gotzhus ze den Einsideln vmb die vorgeschriben dru hundert vnd zwey vnd sibentzig pfunt haller vnd och vmb du obgenanten ein vnd dryssig mut kernen vnd funftzig eyer geltz gentzlich qwitt ledig vnd los fur vns vnd fur all vnser nachkomen. Vnd were dz dehein brief her nach jemer funden wurde, der vns utzit wiste seite oder zu gehortte von der obgenanten gult vnd guter wegen, es werin instermentt oder ander brief, die solent gentzlich all tod krefftlos vnd ab sin vnd kein krafft mer haben, won wir haben vns des alles gar vnd gentzlich entzigen fur vns vnd all vnser nachkomen. Vnd her vber ze einem offenn waren vrkunt so haben wir vorgenanten appt vnd der conuent vnser vnd des vorgeschriben vnsers cappitels ze sant Johann insigel offenlich gehenkt an disen brief. Der geben ist an frytag nach dem meyen tag nach gottz geburt viertzehen hundert vnd in dem sechsten jar.