Allen^a) den, die disen brief sehent lesent oder horent lesen, kúnden wir Johans Hopler kilchherr ze Gerwil¹, Eberhart von || Bosswil² vnd Verena Beringers von Lomass³ seligen elichú husfro^vw vnd veriehent offenlich mit disem brief, das wir reht vnd || redlich mit wolbedahtem můt fúr v´ns vnd v´nser erben ze ko^vffen geben hant den wolbescheiden Herman vnd V^olrich von || Landenberg von Griffensee⁴ gebrůdern Adelheiten Henslis von Arnaswil⁵ tohter Berschis Merkis elichen husfro^vwen fúr lehen von dem erwirdigen herren vnd fúrsten v´nserm herren dem abt von sant Gallen vnd sinem gotzhus vmb fier phunt haller, die wir gar vnd gantz hant entphangen von dem obgenanten Henslin von Arnaswil, der si hat gewert fúr die vorgenanten von Landenberg, vnd sond die selben fro^vwen vertgan an des obgenanten herren von sant Gallen hant vnd des selben ko^vfs wer sin an allen den stetten, da sin die vorgenanten von Landenberg vnd die fro^vw notdúrftig sind, wir tro^estend o^vch fúr des vorgenanten Beringers seligen von Lomass kind vnd sin erben, was ansprach die an die vorgenanten fro^vwen hant ald haben mugent, das wir si da erledgent, won wir si o^vch in den selben ko^vff bindent, wan wir ir vo^egt sind. Vnd das dis war si vnd stet belib nu vnd hie nach, so henken wir die vorgenanten Johans Hopler, Eberhart von Bosswil vnd Verena Beringers selig von Lomass wip^b) v´nsrú insigel fúr^c) vnd v´nser erben vnd o^vch fúr die vorgenanten Beringers seliger kind vnd erben an disen brief. Der geben ist ze Lomass, do von gotz gebůrt waren drúzehen hundert jar, dar nach in dem nún vnd ahtzgesten jar, an sant Gallen abend.

Source Fulltext: Chartularium Sangallense X, Nr. 6356, S. 602-603.