Wir^a) Vrsulla von gottes verhengnúst a^ebtissenn vnd der couent gemainlich des gotzhus ze Magten||ow¹ des ordens von Ziteln in Costentzer bystum veriehen vnd tůnt kunt allermenglichem mit disem || brief, daz wir mit ainhelligem rat v´nsers capitels durch v´nsers gotzhus nutz willen wissentklich || vnd wolbedahtklich ledklich vnd frilich ze rechtem wehsel vnd in wehsels wis geben haben vnd gent och redlich vnd recht mit disem brief fúr v´ns vnd fúr alle v´nser nachkomen den wolerbornen v´nsern gna^edigen herren graf Tonat vnd graf Fridrichen von Tokkenburg² vnd allen iren erben die erbern frowen Katherinen Waiblinen Johansen Kolben von Ganderswile³ elich wirtenn mit lib vnd mit gůt vnd mit allen rechten nútzen gewonhaiten vnd mit aller zůgeho^erd, die v´nsers gotzhus recht aigen was, also daz dieselben v´nser herren von Tokkenburg vnd alle ir erben die vorgen(anten) frowen vnd a^ellú irú kint, die si ietzo bi dem vorgen(anten) Johansen Kolben irem elichen man hat ald hernach iemer mer gewinnet, mit lib vnd mit gůt vnd mit aller zůgeho^erd inne haben sont vnd mugent alz ander ir aigen lút, wan wir si inan och wilklich vffgeben vnd zů iren handen geuertgot vnd braht haben, alz recht sitt vnd gewonlich was vnd alz es billich kraft ha^vt nu vnd hienach. Dar vmb so ha^vnt si v´ns her wider ze glichem schlechtem wehsel zů des obgen(anten) v´nsers gotzhus handen vnd gewalt ledklich geben braht vnd geuertgot die erbern frowen Margrethen Fritschis sa^elgen ab der Hůb⁴ elich tohter Búrgis Waibels vsser Diesselbach⁵ elich wirtenn mit lib vnd mit gůt vnd mit aller zůgeho^erd, die vormals derselben v´nser herren von Tokkenburg aigen gewesen ist, alz der brief⁶ volkomenlicher wiset, den wir von den selben v´nsern herren von Tokkenburg dar vmb inne ha^vnt. Vnd wan wir disen wehsel also redlich geta^vn ha^vnt, so entzihent vnd entweren wir v´ns mit kraft dis briefs fúr v´ns vnd fúr alle v´nser nachkomen vnd och fúr daz obgen(ant) v´nser gotzhus gegen den obgen(anten) v´nsern herren von Tokkenburg vnd gegen allen iren erben aller aigenschaft aller lehenschaft aller manschaft aller gewer aller besatzung aller kuntschaft aller zúgnúst lút vnd brief aller rechtung alles rechten gaistlichs vnd weltlichs gerichtes aller vordrung vnd ansprach, so wir ald v´nser nachkomen ald ieman andra von v´nsern ald von v´nsers gotzhus wegen zů der vorgen(anten) Katherinen Waiblinen ald zů iren kinden, die si ietzo bi dem obgen(anten) Johansen Kolben irem elichen man ha^vt ald hienach iemer bi im gewinnet, mit lib vnd mit gůt vnd mit allen rechten vnd zůgeho^erden ie gehatten ald hernach iemermer gewinnen mo^ehten von recht ald von gewonhait ald von dehainerlay andren sach wegen, so ieman erdenken kan, a^vn geva^erd. Wir haben och gelobt vnd lobent vesteklich mit disem brief fúr v´ns vnd fúr alle v´nser nachkomen, der obgen(anten) Katherinen mit aller zůgeho^erd vnd dis wehsels recht wern zesint gen allermenglichem vf gaistlichem vnd vf weltlichem gerichten nach dem rechten vnd nach des landes sitten vnd gewonhait, wenn ald wa sin die obgen(anten) v´nser herren von Tokkenburg ald ir erben ald die obgen(ant) Katherina Waiblin noturftig sint ald dar vmb mit dem rechten vf getriben ald angesprochen werdent, vngeuarlich. Vnd des alles ze offem vrkúnd der warhait so haben wir obgen(anten) Vrsulla a^ebtissenn vnd der couent gemainlich des obgen(anten) gotzhus ze Magtenow v´nsrú insigel offenlich gehenkt an disen brief. Der geben ist an sant Agthen tag, do man zalt von Cristus gebúrt drúzehenhundert vnd ahztig jar, dar nach in dem sibenden jar.

Source Fulltext: Chartularium Sangallense X, Nr. 6164, S. 362-363.