Wir Katherina von gottes verhengde a^ebtischin vnd der couent gernainlich des gotzhus [ze]^a) Maggnow des Ordens von Cytel || kúnden vnd vergehin offenlich mit disem brief allen, die in ansehent oder ho^erent lesen, vmb die nachgeschribenn gu^eter, || die der ersam wolbeschaiden Hainrich d[er]^a) Bader Cůnrates sa^elgen des Baders sun [von sant]^a) Gallen burger ze Costentz || von v´ns vnd v´nserm gotzhus ze lehen h[att]^a) vnd dú och a^ellú gelegen sint in dem ban vnd in der kilchho^eri ze Stekboren, des ersten den wingarten, den man nemt des Tengers halden¹ ze Stekboren, [da]^a) von er vnd sin erben vnd nachkomen v´ns geben vnd rihten sont ia^erlich vf sant Martis tag ainen vierdung [wachs]^a), den wingarten, den man nemt Go^etzen wingart vff dem Ebent², da von er vnd sin erben vnd nachkomen [v´ns]^a) geben vnd rihten sont ia^erlich ze sant Martis tag ainen halben vierdung wachses, vnd den wingarten, der gelegen ist vff dem Ebnet, dem man spricht Ludis akker, da von er vnd sin erben vnd nachkomen v´ns rihten vnd geben sont jarlich ainen halben vierdung wachses. Wanne der selb Hainrich der Bader oder sin erben vnd nachkomen, die dú vorgeschribenn wingarten inne hant, v´ns vnd v´nserm gotzhus den selben zins ia^erklich rihtent und werent, als vor ist beschaiden, so sont si von v´ns frye vnd ledig sin aller dienst vnd vorderung von den vorbenemten gu^etern. Vnd sagent si och ledig aller versessner zins, die man v´ns von den selben gu^etern solt han geben vnd geriht vntz vff disen húttigen tag, als dirre brief geben ist. Vnd des ze warem vrkúnde vnd gantzer sta^eter sicherhait aller diser vorgeschriben dinge gebin wir dem selben Hainrichen Bader disen brief besigelten mit v´nsern insigeln. Der geben ist in vnserm gotzhus ze Magnow, do man zalt von Cristes gebúrte drútzehenhundert iar, dar nach in dem vier vnd sehtzigosten, an sant Johans abent des To^vffers.

Source Fulltext: Chartularium Sangallense VIII, Nr. 4942, S. 139.