Item vnd ainen brief, der geben ist anno domini M°CCC°XVIII°. Der selb brief wiset, dz her Herman von der Braiten Landenberg¹ ritter abt Herman vnd dem conuent ze sant Gallen² vor offem lantgericht in Turgo^ew³ fúr sich vnd sin erben den vollen gewalt vnd recht geben hât, also wenn er oder sin erben die kilchen ze Stamhain⁴ ainest verlihent, dz denn dar nach daz gotzhus inwendig X iaren den na^ehsten, wenn man wil, die ho^ef ze Stamhain den obern vnd den nidern⁴, mit lút vnd gu^etern mit dem kilchensatz, der dar in geho^ert, vnd mit allen rechten vnd zůgeho^erden, alz er si von dem gotzhus ze sant Gallen erko^vft vnd ze lehen enpfangen hât, von im oder sinen erben widerko^vffen mag mit II^c vnd XL mark silbers. Vnd wa^er, ob dz gotzhus denselben widerkôf nit also in denselben X jaren ta^etti, so so^elti der egenant her Herman von Landenberg dem gotzhus vnuerzogenlich [in] ainem jar^a) vff die vorgeschriben II^c vnd XL mark silbers vmb die ho^ef vss her geben so uil gůtz, alz sich denn her Eberhart von Búrglen⁵, her Cůnr. von Ainwille⁶ ritter vnd Eggloff von Rosenberg der elter⁷ oder ander schidlút, die dar zů erkosen wurdint, ob dis dry oder iro dehainer abgiengi, bi iren trúwen vnd aiden erkennent, dz er nach hin geben so^elli. Ta^etti er oder sin erben dz aber nit also, wie dikk si dar an súmig wa^erint, alz dik so so^elti dz gotzhus allwegent aber X jar zil vnd frist haben, den widerko^vff von inen ze tu^ent in der wis, alz vor beschaiden ist. Vnd hett derselb her Herman gesworn, dz also ze haltent, vnd hett dar vmb zů im ze tro^ester geben her Růdolfen von Landenberg sinen brůder⁸, her Eglolfen von Roschach den júngern⁹ vnd Eglolfen von Rosenberg den eltern, die och bi iren aiden dar vmb laisten sont, wenn si gemanot wurdint.

Source Fulltext: Chartularium Sangallense VI, Nr. 3702, S. 291.