Wir V^olrich von Clingen lantrichter in Thurgo^e1 kv´nden allen, die disen brief ansehent || oder ho^erent lesen, daz fúr v´ns kamen die erberen lúte her V^olrich von Sultze² ritter einent || vnd Růdolf von Lindenberg³ andrent ze Hafnerron⁴ vf dem lantag, da wir offenlich ze ge||richte sâzen, vnd offenot da der vorgenant her V^olr. von Sultz mit fúrsprechen, er hetti dem selben Růd. von Lindenberg gu^eter ze koffenne geben, dú sin eigen waren, vnd bat ime ervarn an einer vrteilde, wie er ime dú selben gu^eter vertegon solti, dú hienach gesriben stânt, vnd och enzihen solti, das es kraft hetti. Da fragte ich vrteild vmb, do wart erteilt mit gesamnoter vrteilde, wa der vorgenant her V^olr. dú gu^eter, dú hienach gesriben stant, vf ge^abe mit vnserr hand an des vorgenanten Růd. hand, dc das wol kraft hetti. Das tet der vorgenant her V^olr. vnd gab da vf mit siner hand vnd mit vnserr hand an des vorgenanten Růd. hand von Lindenberg disú nachgesriben gu^eter, als da mit gesamnoter vrteild erteilt wart, vnd sint dis dú gu^eter, ein gůt lit ze Ellincon⁵, den^a) man sprichet . . des Blatters gůt, giltet jerglich ze zinse drie mútt kernen, drú hv^enr vnd drizig eier, vnd ein wisen ze Ellincon heizet Svndergrús⁶. Der vorgenant her V^olr. lopte och da, der selben gu^eter fúr eigen wer ze sinne nach rechte. Vnd des ze einem waren vrkv´nde geben wir dem vorgenanten Růd. von Lindenberg disen brief besigelt mit des lantgerichtz insigel, als v´ns mit gesamnoter vrteild erteilt wart. Ich der vorgenant V^olr. von Sultz ritter vergih offenlich an disem brieve, dc ich dem vorgenanten Růd. von Lindenberg dú vorgenanten gu^eter, dú min eigen waren, ze koffenne han gegeben vnd ich mich ir an sin hand enzigen han vnd ime sú gevertegot han in allem rechte, als vorgesriben ist, vnd henk darvmbe min insigel an disen brief zů des lantgerichtz insigel ze einem geweren vrkv´nde. Dis beschach vnd wart dirr brief geben an dem mentage vor sand Andree tage, do man zalte von gotz gebúrte drúzehenhvndert jar, darnach in dem siben vnd drizigosten jare.

Source Fulltext: Chartularium Sangallense VI, Nr. 3677, S. 271.