Allen, die disen brief sehent oder ho^erent lesen, kv´nde ich her Egelolf der Omo¹ ritter vnd vergihe offenlich, als ich mich in || . . des bvrgermeisters . . des rates vnd . . der bvrger dienst von Zv´rich dis jar verbvnden han, dar vmbe si mir ein vnd drissig || mark silbers Zv´richer gewichte gelobt hant, als die zwivalten brieve wol bewisent, der si einen hant vnd ich den andern, das || o^vch da der selben ein vnd drissig marken silbers gantzlich von in gewert bin, vnd sagen den bvrgermeister . . den rat vnd . . die bvrgere gemeinlich Zv´rich fv´r mich vnd fv´r min erben gantzlich ledig. Vnd des ze vrkv´nde so han ich disen brief mit minem insigel offenlich besigelt. Dis geschach Zv´rich an dem samstag vor sant Margreten tage in dem jare, do manvon gottes gebv´rte zalte drv´cehen hvndert vnd drissig jar vnd dar nach in dem sibenden jare, da ze gegen waren Rv^od. der stat schriber Zv´rich, Herman^a) Kaltbrvnne vnd ander erber lv´te.

Source Fulltext: Chartularium Sangallense VI, Nr. 3668, S. 264.