Allen, die disen brief sehent oder ho^erent lesen, kúnde ich her Eglof der Ome¹ ritter vnd vergich offenlich, || das mich die erbern wisen . . der burgermeister . . der rat vnd . . die burger von Zúrich gewert hant einlif || marken fúnfthalbes lotes minder gůtes silbers Zúricher gewicht, vnd sagen ovch si fúr mich vnd || fúr min erben dar vmbe gantzelich ledig. Vnd des ze vrkúnde so han ich min insigel offenlich gehenket an disen brief. Der geben wart Zúrich an dem nechsten samstag vor sant Hylarien tag, do man von gottes gebúrte zalte drúcehenhundert jar vnd dar nach in dem sibenden vnd drissigosten jare.

Source Fulltext: Chartularium Sangallense VI, Nr. 3646, S. 252.