Hiltpoldvs dei gratia abbas¹ totusque conventus monasterii sancti Galli ordinis sancti Benedicti Const(antiensis) dyocesis universis presentes litteras intuentibus salutem cum noticia subscriptorum. Loca pia, que infirmancium et egrotancium || solaciis et necessitatibus intendunt, propensioribus et maioribus debent subsidiis et beneficiis honorari. Hinc est, quod cum nos unanimiter et concordi tractatu inter nos prehabito diligenti consideratis operibus caritatis et beneficiis, || que toto die in domo hospitalis pauperum oppidi nostri sancti Galli² pauperibus et egentibus impenduntur, in ipsum hospitale quo ad verum directum et utile dominium cum suis pertinenciis et omni iure possessiones infra scriptas || ac bona infra scripta transferimus, videlicet curiam in Vlawile³, que comparata fuit a domino Hartmanno de Baldegge⁴ milite seniore, curiam in Grebretzwile^a)5, que comparata fuit a domino V^olrico dicto Giel milite⁶, curiam in Wisen⁷ sitam sub Rotundo Monte⁸, que comparata fuit a domino V^olrico de Ramswag milite⁹, decimam comparatam a C. dicto Egger, que datur de bonis subscriptis, videlicet a curia Winkelstal¹⁰, a curia dicta Risershus¹¹, a curia dicta der Wagenerhus¹², a curia dicta Keisswile¹³ et a curia dicta an dem Len¹⁴, pratum situm sub curia, que dicitur an dem Wege¹⁵, quod emptum fuit a .. dicto Arnsperg, pratum situm in valle Reni¹⁶ prope curiam, que dicitur Wideno^vwe¹⁷, quod comparatum fuit a domino Hainr. de Altsteten¹⁸ milite, curiam in Haslach¹⁹ in valle Reni sitam prope vineas dictas Haslerhalde²⁰, que comparata fuit a domino Burkardo de Ramswag²¹ milite, decimam in valle Reni, que dicitur in der O^vwe ze Aitberg²², que comparata fuit a Walthero dicto Vederer de Altsteten, curiam in Heivenhoven²³ sitam prope Amorgoswile²⁴, que comparata fuit a nobile viro domino Willh.^b) de Enna²⁵. Nos attendentes et intuentes, quod in eodem hospitali cultus et exercicium hospitalitatis singulis augetur temporibus et propter quod eidem hospitali succurrere debemus, in quibus possumus, et ei manum ampliorem cum beneficiis nostris porrigere adiutricem, de consensu nostro concordi habito prius tractatu inter nos diligenti et considerato per nos, id nostro monasterio expedire, cum in eodem hospitali homines nostri monasterii ad infirmitatis et paupertatis deducti pericula recreentur, receptis ab eis decem marcis argenti ponderis usualis, quas in utilitatem nostri monasterii fore conversas confitemur, pure et simpliciter propter deum bona predicta cum omnibus iuribus et pertinenciis suis quo ad verum directum et utile dominium transferimus et eidem hospitali pleno iure annectimus, concedimus et donamus per presentes libere et inperpetuum sine cuiuslibet impedimenti obice possidenda, ita ut ipsum hospitale possessiones et bona predicta omnia et singula ad presens sibi per nos collata teneat et possideat libere et quiete supprestacione census dimidie libre cere videlicet in festo beati Galli annis singulis de omnibus bonis predictis et possessionibus persolvende, ita tamen quod per concessionem huiusmodi et annexionem monasterium nostrum et ecclesie vel capelle quecumque serviciis, censibus et iuribus eisdem possessionibus impositis antea nullatenus defraudentur. Et si dictum hospitale et .. provisores eiusdem aliquibus hominibus ad victum vel ad firmam pro tempore vite eorum inperpetuum vel ad tempus usufructum vel pensionem in predictis bonis constituerint vel vendiderint vel adhuc vendant vel constituant, per hoc in possessionibus vel bonis predictis nobis nostroque monasterio nullum ius acquiritur nec eidem hospitali quo ad verum vel ad utile dominium eorundem bonorum aliquot preiudicium generatur, sed expleto usufruetu possessiones, in quibus constitutus fuerat, ad ipsum hospitale libere revertantur. Hoc eciam adiecto, quod predictum hospitale et ipsius provisores, qui pro tempore fuerint, si forte necessitate vel aliquo casu urgente dictum hospitale possessiones et bona predicta vel ex ipsis aliqua alienare contigerit, easdem possessiones et bona aliis personis et hominibus quam nostro monasterio pertinentibus et vulgariter dictis in der gnossami vendere et alienare non debent nec vendendi vel alienandi aliter aliquam habeant potestatem, renunciantes insuper beneficio restitucionis in integrum ac omni iuris auxilio, per quod premissa possint infringi vel aliqualiter infirmari. In cuius rei evidens||
testimonium sigilla nostra presentibus duximus appendenda. Datum et actum aput sanctum Gallum, anno domini M°.C°C°C°.XXIII°. in vigilia apostolorum Phylippi et Jacobi, ind. VI^a. Presentibus honorabilibus viris Rv^od. de Roschach rectore ecclesie in Roschach²⁶, Hermanno nostro capellano, Cv^onr. sacerdote dicto Rote, H. dicto Omen²⁷, C. dicto Kuchimaister²⁸, Johanne Monetar(io), Eglolfo dicto Blarrer, Hermanno de Huntwile²⁹, Johanne dicto an dem Markte et aliis quam pluribus fide dingnis^a).

Source Fulltext: Chartularium Sangallense V, Nr. 3187, S. 452-454.