Allen den, die disen gegenwertigen brief sehent alder horent lesen, kunden wir Bartholomee der sat^a) amman zv^o Costenze¹, Hainrich || Goldast, Cv^on. in der Bunde pfleger des spitals an dem Mergstat², Cv^on der Maier des selben spitals maister vnde gemainlich diu brůider||schaf, das her Wernher, dem man da sprichet der Hunt³ von sant Gallen, het gecovfet durch siner sei vnd durch siner wirtin sei hails wil||len vns vnde den armen luten an dem felde⁴ gelichelich zv^o niesende ain hus, das||
ist gelegen in Nidernburg^b)5 an dem orte in Bruggassun gen dem brunnen, vmbe fiunf vnde fierzeg marg silbers, das giltit ierliches ses pfunt Costenzer, da zv^o so het er vnserm spital vnde den armen luten gemainlich gegen zwainzig pfunt Costenzer, das si des geltes deste sicher sien, also geziuhet sich iewederm huse ierliches driu pfunt. So sol der maister des spitals sinu driu pfunt den durftigun also an legen, das er in alle wohen in der vasten dri Schillinge sol gen vmbe Diesenhofer⁶ brot. Er sol ovch zv^o des vorgenanten Wernhers iargezit in gen zehen Schillinge vnde zv^o siner wirtin iargezit Beilinnun ovch zehen Schillinge, das si da von haben zwene dienste. Der vorgenant maister sol ovch den durftigun gen zwelf Schillinge zwisschan ostervn vnd pfinsten vmbe aier, also das man iegelichem durftigen geben sol zv^o dem tage, die wile si^c) werunt, zwai aiger. Der selbe maister sol ovch gen den durftigun^d) an vnser frowen tag zv dem erende fiunf Schillinge vnde an^e) sant Johans tag zv^o sungichten och fiunf Schillinge, das si da mit covfen, swas in wol gevallet, also so het er in berichtet diu vorgenanten driu pfunt geltes. Were aber, das das hus der ses pfunde Pfenninge ierliches nit fergelten mohti, so sol den durftigun zv^o iegelicher gesezete gelichlichen abe gan nach dem als des geltes abe gat. Beschehe aber das, das diu maisterschaf des||
spitals den durftigun dirre gesezete dehainer abe gienge, so sol der maister von dem spital den nuz, der zv^o der selbun gesezet vellet, gebunden sin zv^o gende den armen luten an dem velde. Dirre dinge sint geziuge her Johans der liupriester des selben spitals, her Eberhar, der da singet zv^o dem nidern alter, her Arnolt der Milwe vnde V^oI. der Milwe sin brůder vnde vil ander erberer liute. Das aber dis ganz vnde stete belibe, des geben wir des vorgenanten spitals insigel vnd der armen liute an dem velde insigel zv^o hengende an disen brief zv ainem zeten^f) vrkunde. Dirre brief wart gegeben, do man zalte von gottes geburte tusent iar, driu hundert iar, in dem seszehendem iar, an sant Peters vnde sant Pauls tag.

Source Fulltext: Chartularium Sangallense V, Nr. 2974, S. 307-308.