Wir Hainrich von gottes gnaden abbet¹ vnd^a) der conuente des gotzhuses von sante Gallun tůn kunt allen den, die disen brief sehent, || lesent oder ho^erent lesen, das wir dem erbern ritter hern V^olrichen von Wagenberg², fron Katherinun³ siner elidier frowun, dv hie vor hern || Bernge seligen von Landenberg⁴ ritter ze der ê hatte, vnsers gotzhuses des vorgenanten dienstluten, mit gůter vnd mit bedahter be||trahtunge nah ir be^atte^b) vnd bege^arunge^b), vnd o^vch der selbun fron Katherinun kinden, dv si hatte bi dem vorgenanten hern Beringe, erlo^vbet haben, den hof ze Hiltinshusen⁵ ze verko^vfende⁶, ze gebende aigenlichen vnd fur aigen ze vertigonde vnd vf ze gebende mit allem rehte den gaistlichen luten der abbtissin, dem conuente vnd dem gotzhuse ze Tenninkon⁷, hern Eberharten von Bichelnse ritter, Hiltebolden sinem brůder kirchherren ze Bichelnse⁸ vnd Johannesen von Landesperg⁹, vnd veriehen offenlichen an disem briefe, das vnser gunst vnd vnser gůte wille ist alles, das die vorgenanten vnsers gotzhuses dienste lute mit verko^vfende ald mit vf gebende des vorgenanten hofes hant getan gegen der abbtissin, dem conuente, dem gotzhuse ze Tenninkon oder gegen hern Eberh., Hiltebolten vnd Johannesen den vorgenanten, vnd gunnent den selben hern Eberh., Hiltebolt. vnd Johannesen, den hof ze gebende vnd ze fu^egende¹⁰ mit allem rehte aigenliche dem gotzhuse ze Tennikon. Vnd ze ainem vrkunde dirre vorgeschribenen dinge so henken wir vnseru insigel an disen brief. Der wart geben in vnserm gotzhuse dem vorgenanten, do man zalte von gottes geburte druzehenhundert jar vnd dar nah in dem sehszehende jare, an sante Mariun Magdalenun abende, Romer stur jare des vierzehenden.

Source Fulltext: Chartularium Sangallense V, Nr. 2978, S. 311.