In dem namen vnnsers herren amen. Allen den^a), disen brieff an sehent oder ho^erent lesen, kunnden wir schwo^ester Margretha a^eptissin vnd alle der conuent von Maggenowe¹, dz wir dz gůt ze Furberg², dz von vnnserm gotzhuse lehen ist, ze kouffen hain gegeben lideklich Růdolff dem Schwannder vnd Katherinen siner elichen wirtin vnnd sinen lib erben eweklich ze habenne vmb VI marck silbers, vnd hat dz selbe gůt empfanngen von vnnserm closter ze ainem rechten zinß aigen vmb ain vierdung wachs ja^vrklich ze gebenne an sant Aggten tag, vnnd wenne aber der vorgenante Růdolff dz vorgenante gůt verkouffen muß von siner not wegen, so sol er es vnns zum erst bietten ze kouffen, dar nach so mag ers verkouffen, wo er wil, in dem selben rechte, als ers von vnns hatt. Diß geschach, do zegegen wa^vren her Cůnrat Gensli, her Cůnrat der lutpriester von sant Verenen³ vnd brůder Hanns von Obernberg⁴, do man zalt von gottes gepurt M°CCC° ja^vr, dar nach in dem XVI ja^vre, an sant Aggten tag. Dz diß alles wa^vr syg vnd sta^ete belibe, darvmb ist dirre brieff besigelt mit vnnsers closters ingesigel ze ainem wa^vren vrkunde dirre vorgeschribnen dingen.

Source Fulltext: Chartularium Sangallense V, Nr. 2956, S. 292.