Wir Liup. von gotes gnaden hertzog von Osterr. vnd von Sty^er¹ enbieten || den erbern luten vnsern^a) getrewen^b) dienern .. dem rat vnd der gemein von || Chostentz, von Zurich, von Scaffusen², von sant Gallen vnsern gruz vnd alles gůt. || Wir senden zv iuch Vlr. von Butikon³ vnsern hofmeister vmb daz silber, daz ir vns nv schuldig sit, des ist driu hundert march, vnd bitten iuch, daz ir den selben Vlr. des vorgenanten silbers verriht vnd wert als vnuerzogenlich, daz wir iv hernah gern daran wellen gedenchen, vnd wo ir den selben Vlr. gewerent, daz sint ir von vns ledig vnd lêr. Daruber geben wir iv disen brief versigelt mit vnserm insigel. Der brief ist geben ze Diezzenh.⁴ an sand Andrees tag.

Source Fulltext: Chartularium Sangallense V, Nr. 2906, S. 265.