Ich her V^oIrieh von Bvttikon ritter hofmaister minz herren Lvpoldes von gottes genaden herzogen ze O^ester||riche vnd ze Styre kvnd vnd vergihe des offenlich an disem briefe, daz die êreba^eren lute .. der burger||maister, .. der amman, .. der rât vnd .. dv gemainde der burger ze Costentz mich an des vorgenanten minz her||ren herzogen Lvpoldes vnd miner herron .. siner brůder stat lieplich vnd volleclich gewert hant sehzeg marke silbers lo^etiges Costentzer gewa^eges an den drinhvndert marken, so si vnd die bvrger von Zurich, von Schafhusen vnd von sant Gallen gemainlich schvldig waren ze gebenne den vorgenanten minen herron .. den herzogon ze sant Martins tvlt, dv nv na^ehst waz. Vnd zainem vrkvnde der warhait alles des, so da vor geschriben stât, gibe ich der vorgenante her V^olrich von Buttikon ritter min insigel an disen brief. Der wart geben ze Costentz, do man zalte von gottes gebvrte drvzehenhvndert jare vnd in dem vierzehenden jare darnach, an dem na^ehsten ma^entage vor sant Thomans tage des zwelfbotten.

Source Fulltext: Chartularium Sangallense V, Nr. 2907, S. 266.