Wir von gottes genaden abt Dietherich^a) dez gotzhuses ze sant Johanne¹ sant Benedictes orden kunden allen dien, die disen brief ansechent oder ||horent lesen, daz wir mit bedachten můte vnd^b) mit gůten willen vnd mit vnser hant dez erberren mannes kinden Waltherz dez Sweggelerz sun || von Bussenhusen², der vnserz gotzhus eigen ist, den aker, der am Meler velt³ lit bi der Strasse vnd heiset Bichelen aker⁴, ze einem rechen^c) erbe gelihen || vnd also, daz si vnserm gotzhuse jerliken geben son von dem selben aker einen vierdung wachsest zinze. Vnd daz dis alles war si vnd stete bilibe, dar vmbe so geben wir dien vorgenanden kinden^e) vnser ingesigel an disen brief ze einem offen vrkunde aller der vor gescriben dingen. Diz geschach ze Hunwille^f)5 in dem^g) bongarten, do man zalte von gottes guburte druzenhenhundert jar, dar nach in dem zwelften iare. Da ze gegen waren her H. von Guttinggen⁶, her H. von dem Roten Berge⁷, her Růdege von Werdeg⁸ riter, R. der brobste, V^olrich der smit von Wezwille⁹, Růdege der Horwer, H. der keller von Pheffincon¹⁰, Burchart Wirdinch von Hunwile, Rv^odolf der meiger von Hunwille, C. Diegensphach von Blawile¹¹ vnd Bertolt sin bruder vnd ander erber lute genůge.

Source Fulltext: Chartularium Sangallense V, Nr. 2838, S. 228.