In gotes namen amen. Ich Cůnrat von Ramswach¹ ritter vergihe vnd tůn kunt II allen den, die disen brief ansehent, lesent oder hoerent lesen, daz ich mit gůtem || willen vnd williclich hab vf gegeben dem gotzhuse sant Johannes ze Staingaden² || vnd allen den, die immer mer da got dienont, frilichen vnd ledeclich daz aigen dez hofes ze dem Kolmans an dem Vrberge³, daz min waz, durch miner sele willen miner 25 vorderon vnd miner nachkomen, daz weder ich noch dehein min erbe dar an me dehein ansprach suln noch mugen gehabn. Vnd darvber hab ich dem gotzhuse disen brief gegeben ze aim ewigen vrkivnde besigelten vnd gevestenot mit mim insigel, daz dar an hanget. Dez sint gezivge her Cůnrat der Lechspergaer von Lengivelt⁴, her Hainrich von Swarzenburch⁵ ritter, Volcmar von Swarzenburch, Bertolt Rapot von Bv^erun⁶, Rapot sin sun amman, Hainrich der Sulzaer, Hanse von Pforzhein⁷, Bertolt der Snitzaer von Linowe⁸, Maerclin der Probst von Chemnath⁹ vnd ander erbaer livte. Daz geschach vnd der brief ist gegeben, do von Cristes geburte waren drivzehen hundert jar vnd in dem ainlften jar, an sant Thomas tage vor wihennachten.

Source Fulltext: Chartularium Sangallense V, Nr. 2805, S. 208-209.