Unsern willigen dinst bevor Erbern und weizen herren und sunder guten goenner und frunde. Als wir euch denne vormols Soeldener gesant haben, also senden wir euch abir XX gesellen wennn wir der auf ditzmol nicht mee gehaben muchten, und die seint ausgangen von uns von Olomutz an dem hewtigen tage, als diser brieff ist geschreben, und werdet Ir der meer beduerfend sein, das laset uns wissen, wenn wir vortroestet sein, das wir (wir) euch noch wol eyn hundert, ader IIc zuschicken wellden, auch gute werhaftige gesellen, als ferre als Ir der beduerfet, und die wir euch yetzunt senden, die laset euch ouch empholhen sein, und wes wir ewern Erberkeiten in den und in andern sachen gedinen kunden, das teten wir williclechen gerne. Geben am Sontage ad te levavi animam meam. Purgermaister und der Rat der Stat Olomutz

Source Fulltext: Peter Peusquens