Fridreich von gotes genaden Roemischer kuenig zuallnzeiten Merêr des Reichs, Hertzog ze Oesterreich und ze Steir etc. Erbern weisen und lieben getrewn, uns hat unser getrewr Niclas Têschler unser burger ze Wienn anpracht, wie Im Anthoni Hanman von Funifkirhen, vor ettliher zeit geredt und zugeschriben hab, daz er Im sein haws in der pekchenstross daselbs ze Wienn gelegen, darinn ytz die Tafern ist, vor mênicheich verkawffen well, und er hab auf solhs des benanten Anthoni reden und schreiben, ain merkchlihe sum gelts, in demselben haws verpawet. Nu hab der obgenant Anthoni oder sein anwalt, das obgemelt haws, unserm getrewn Micheln Weyssen, verkawffet. Begern wir an ew mit vleiss, daz Ir bei dem vorgenanten Weissen daran seit, und In daran weiset, daz er dem egenanten Têschler, das obgenant haws in dem kauff, darin er das hat, widerfarn lass, nach dem und Im das zu der Tafern, die er ytz von ew in bestannd hat, wol gelegen ist. Wan Ir wol versteen mugt, solt er das egenant haws Rawmen, daz er des zu schaden chêm, und im gar unfugleich wêr. Daran tuet Ir uns ain guet gevallen, und unser maynung. Geben zu der Newnstat an Suntag vor Sand Bertelmes tag. Anno domini etc. xlvj°. Unsers Reichs im Sibennden Jare. Commissio domini Regis propria.

Source Fulltext: Peter Peusquens