Fridreich von gotes gnaden, Roemischer kuenig, zuallenzeiten Merêr des Reichs, Hertzog zu Oesterreich, und zu Steir etc. Edler. Ersamen und lieben getrewen. Der Edel unser lieben getrewen. Graf Sigmund von Modrusch zu Raab und Wilhelm Ebser ze Prugk an der Leyta, unser haubtleut habent uns yetz gewisse potschafft getan, und aigentleich verkuendet, daz die Unger als mit achthundert pherden den Korb berant habent, und als mit viertausent zwischen Raab und sannd Merttenperg ligent. Emphelhen wir ew, daz Ir solhs unsern Burgern ze Wienn von unsern wegen anbringet, damit Si sich darnach desterpas wissen zerichten und zeschicken, nach notdurfft. Geben zu der Newnstat an Montag nach sannd Florian tag, anno domini etc. xlvjto, unsers Reichs im Sibenten Jare. commissio propria domini Regis.

Source Fulltext: Peter Peusquens