Wir Hanns Haringseer Zu den zeiten Burgermaister Und der Rat der Stat zu Wienn. Bekennen Als uns Jacobus, Ulreichs Sun am Egk, die Ewig mess, so weilent Niclas von Leyss, und Niclas Stainer sein frewnt auf sand Kathrein altar datz sand Stephan hie zu Wienn, gestifft habent, der wir recht lehenherren sein, willigcleich ausgegeben hat, dartzue gehoernt Zwaintzig pfunt und Sechtzig pfening geltes gelegen zu Prunn bei Gerestorf auf behaustem guet und ueberlent, und aindlef schilling und Aindlef phening gelts gelegen zu Nustorf auf behausten holden, und ain weingarten gelegen am Nusperg genant in der nydern schoss, des ain halbs jeuch ist. Daz wir die egenant Ewig mess, Recht und redlich verlihen haben, und leihen auch wissentlich mit dem brief, dem erbern hern Wolfgangen Ennser briester passawer Bistumbs. Also daz Er die vorgenant Guelt und gueter pewlich Innhaben Nutzen und niessen, und davon die vorgenant mess, zwir in der wochen, auf dem egenanten altar verwesen, und ausrichten sol, got zulob, und durch der vorgenanten Stiffter, Irer vorvodern, und aller glawbigen seln hails willen, Ordenlich an alle sawmung getrewlich und ungevêrlich. Mit urkund des briefs Besiglt mit unserm klainem Anhangundem StatInsigl. Geben zu Wienn an phintztag vor sand Thomans tag, des heiligen Zwelifpoten. Nach Cristi gebuerd virt-zehenhundert und in dem fuenfundvirtzigistem jare.

Source Fulltext: Peter Peusquens