Hochweisen und Erberen liben herren Unseren willigen dinst zuevor. Es koempt fuer ewer hochwirdige weisheit die ersame fraw Anna Ribyn, des brieffes weiserin, die nue ain arme fraw ist, und der heiligen almusen hie mit anderen begeben frawen in der Regel lebt. Die etzwas zuespruch zue etzlichen eweren undersessen hat, die si ewer ersamikeit und die sach selbs zue erkhennen geben wirdt. Darumb pitten wir ewer wirdige weisheit mit fleissigem gepet, Ir wellet der benanten armen frawen ein gnêdige verhoerung und end umb gotes willen geben. Das wellen wir umb ewer ersame hochweishait, nach unserem vermuegen geren verdienen. Geben am Eritag nach sant Briccii tag Anno domini etc. Quadragesimo quinto. Burgermaister und Rate der Stat Znoym

Source Fulltext: Peter Peusquens