Leonart von gots gnaden Bischove ze Passawe Unsern gunstlichen grus bevor Ersamen weisen Besunderlieben Als Wir nach ewerm begeren und bete unsern getrewn Maister Thoman unsern Puechsenmaister, verguennet und gelihen haben. Nue sein uns solh sach angestossen, daz Wir des dits mals beduerffen und notduerftig sein, als Wir Im yetz das auch selbs zugeschriben, und In gevordert haben. Auf das begern und bitten Wir ew, daz Ir Im das verguennen wellet, also daz er fuederlich zu uns komme, das wellen Wir mit gutem willen umb ew verschulden. Geben ze Engelhartszell an Suntag nach sand Ruprechts tag Anno etc. Quadragesimo quinto.

Source Fulltext: Peter Peusquens