Ich Mertt Zeller korherr datz sand Steffan zu Wienn Bekenn anstat und in namen des ersamen herren Maister Thomans von Gelestorff licentiat geistlicher Rechten dietzeit Capplan der Messe, die maister Albertin auf sant Kathrein altar im dewtschenhaws hie zu Wienn gestifft hat des gewalt ich hab, dafur ich mich auch gentzlich annymb und fuer all sein nachkomen und tuen kunt offennlich mit dem brief, daz ich mit gutem willen und anstat des vorgenanten maister Thomans, Recht und redlich abzulosen gegeben hab dem erbern Steffan Greiffendorffer und seinn erben zwelif schilling wienner phening geltes purkrechts, die dy vorgenant Messe auf seim haus, das ettwan Thomans des Krewssen gewesen ist gelegen am Judenplatz zenagst der padstuben zun Roern gehabt hat nach lautt ains purkechtbriefs der da verlegt und verlorn worden ist umb zwelif phund wienner phening. Der ich gantz gewert pin und der vorgenanten messe auf Conrats peym Gotsakcher haus widerumb angelegt hab. Also das der obgenant Greiffendorffer all sein erben und nachkomen, die das vorgenant haus jnnhabent und besitzent Nu fuerbaser des egenanten purk-rechtz darab ledig und frey und des davon nicht mer gepunden sullen sein zudienn in kainer weis, und sullen auch der vorgenant Maister Thoman und all sein nachkomen noch nyemants von Irn wegen, nu hinfur auf des egenanten Greiffendorffer haus von des egenanten purkrechts wegen kainerlai zuspruch noch vordrung nicht mer haben weder mit briefen noch an brief in kain weis. Wêr aber das furbaser icht brief oder urkunt fuerpracht wuerden, die von des egenanten purk-rechts wegen auf das egenant haus sagten, dieselben brief und urchund sullen denn alsverr Si dasselb purkrecht beruernt gantz ab tod und vernichtt sein und wider den brief kain krafft haben, in kainen wegen an alles gevêr. Mit urchund des briefs besigilt mit des Ersamen herren hern Thoman Hadmarn Techant der vorgenanten sant Steffans kirchen und des erbern Niclasen Reich burger zu Wienn anhangunden Insigiln, Die ich darumb zu gezeugnuesse mit fleisse gepeten hab, In irn nachkomen und erben an schaden. Darunder ich mich und anstat des vorgenanten Maister Thomans und seiner Nachkomen mit meinn treun verpind stêtzuhalten sovor geschriben stet. Geben zu Wienn an freitag vor sant Veits tag Nach cristi gepurd virtzehenhundert und in dem fuenfundvirtzigistenn Jare.

Source Fulltext: Peter Peusquens