Ersamen weysenn und fursichtig namhaft Sunder gunstigen herren und furdrer Unser freundlich dienst ze allerzeit bevor. Wir lassen euch wissenn das der allerdurchleuchtigist furst unser genedigister herr der Romisch kunig dismals durch seiner genaden schreibenn ettlich aus uns ervordert hat dadurch wir die gegenburtigen Ersamen weysennn Pauln Moltzhover und Mathes Meindel unser mitgeswornen burger dez Rats auch Stephan Renes burger der Gemain bey uns weyser dez briefs sennden zu seinen kunigleichen genaden und sunder zu eur weishait von meniger treffenleicher sach wegen unser notturft an euch zebringenn und werben als sy daz eur weishait zerchennen werden geben von uns aigentlich underichtet Bitt wir eur fursichtichait und namhaft weishait mit sunderm vleis die bedachten unser burger guetichleich verhorn und auch hilfleich und ratsam sein mit treuem bedennken hilf und fursehen auch furderleicher anntburt und was sy dismals euer weishait an unser stat zerchennen gebenn und zuesagen In das gelauben wellet ganntz als unsselben. Geben zu Prespurg an Erchtag sannd Mathias abent Anno domini Millesimo etc. quadragesimoquinto. Richter und Rate der Stat zu Prespurg

Source Fulltext: Peter Peusquens