Unsern frêwnntleichen dinst zuevor. Erber weise lieben frêwnnt. Ewer verschreiben von ewrs mitbuergers Hanns Eschenawers und unsers mitwonêrs Peter Ungêrs, uns zuegesant, hab wir wol vernomen. Lass wir euch wissen, wie das sich derselb Petêr unserm haubtmann zudienen zugesagt hat und sein dienêr wurden ist, das wir ueber In ytzund nichts zugepieten haben. Wann In unser haubtmann vor allen seinen schuldigêrn mit ainem brief gefreyt, und uns das gepoten hat, das wir in den zukuemfftigen zwein jaren, zu unserm Statrechten den obgenanten Petern nicht fordern, noch bezwingen suellen. Dawider wir ytzund laider nicht muegen. Wann hett wir ueber In gewalt, als vor zugepieten. Wir hetten dem obgenanten ewerm unser Statrecht liebleichen mitgetailt, das Im von dem selben Petern ain genuegen geschen wêr. Was Er Im dann anhellig wêr gewesen. Geben zue Tirnaw am Mittichen vor sand Pertelmes tag. In dem XLIIII Jar. Richtêr und Ratt der Stat zue Tirnaw.

Source Fulltext: Peter Peusquens