Erbern und weis lieben fruendt, Mein willig dinst bevor, Es ist zue mir koemen der Tewrbanger wie sein bruder genant Caspar des Permann wechslâr gewesen ist, hat ettwo vil guets hinder sein lassen das ym und seinen geswistreiten rechtlich und Eriblich zue pwer des Ir euch underzogen und in ewrer gewalt habt, bitt ich Ew lieben fruendt mit sunderm vleiss Ir wellet dem benanten Tewrbanger von meinen wegen in den sachen hilflich und fuederlich sein da mit er zw sôlherm seinem Erib koeme und er meiner bet gegen ew geniesse zue empfinden, das wil ich alzeit williklich und gern umb Ew und die Ewern wo die an mich ruerrent verdienn. Geben zue Schrâtental an Eritag nach unser frawntag assumptionis anno domini etc. XLIIIImo Ulrich Eitzinger von Eitzing.

Source Fulltext: Peter Peusquens