Fridreich der Jünger, von gotes gnaden, Hertzog ze Oesterreich etc. Erbern weisen und lieben getrewn. Uns habent fuerbracht, unser getrewn lieben..unser Burger zu Judenburg, wie Si gerechtikait und freyhait bey ew ze Wienn haben, damit Si von weilent, unsers gnedigsten liebsten herren und vettern, des Römischen etc. kuenigs, Een, loebleicher gedechtnuess, fuergesehen und begnadet sein, und In die gegeben habe. Daran Ir In aber Irrung und hindrung tuot, und Si die, nicht wellet prawchen lassen, nach Irn notdurften. Damit desselben unsers herren und vettern, Een, gnad und freyhait, In gegeben, gekrenkhet werden. Des Si sich von ew vast beswert dunkhen, wider soelch Ir freyhait. Bitten wir ew und begern mit sunderm vleiss, Ir wellet die egemelten unser Burger, von Judenburg, bey soelhen Irn freyhaiten, und gnaden, gentzleich lassen beleiben nach Innhaltung Irs briefs, und dawider hinfuer nicht dringen noch besweren in dhain weise, damit Si die nach Irn notdurften gebrawchen muegen. Daran erzaigt Ir uns ain sunder guot gevallen. Geben zu der Newnstat an Suntag Misericordia domini, Anno domini etc. tricesimo nono. d. d(ux) per se ipsum.

Source Fulltext: Peter Peusquens