Albrecht von gotes gnaden Roemischer Kuenig, zu allenzeiten merer des Reichs, ze Ungern, ze Behem, Dalmacien, Croacien etc. Kuenig, Hertzog ze Oesterreich etc. Erbern weisen, und lieben getrewn. Als Ir, nach unserm begern, und vleissigen gepeten, uns, unser lieben getrewn, Hansen den Stegêr, unsern Burgermaister und kellermaister Stephann den Wirsing, und ander unser Burger von Wienn, mit ettlichen Soldnern, wider unser veind, die uns, an unserm kuenigreich Behem, irrung mainen ze tuon, zehilff habt geschickt, und die sich dar-nach, auf unser schreiben und ervordern her in zu uns in das Veld haben gefuegt, darumb Ir mitsambt In merkleich darlegung und zerung getan hat. Haben wir angesehen solch notduorft und sachen, die In und ew anligent, und die Si uns ertzelet habent, und schikhen Si davon wider an-haim, und ist uns solcher ewr gueter will, und hilff, zumal dankriem, und ain sunder wolgevallen, und wellen das gen ew, und In, in sundern gnaden erkennen, und nicht vergessen. Geben im Veld, bey dem Tabor, an samstag nach unserr frawn tag Nativitatis. Anno etc. XXXVIII°, unserr Reiche etc. im Ersten Jar, under unserm secret. com(missio) d(omini) r(egis), St(ephano) de Hohenberg referen(te).

Source Fulltext: Peter Peusquens