Ich Swester Margreth die Karthusêrinn, diezeit Priorinn des FrawnClosters datz sand Maria-magdalen gelegen vor Schottentor ze wienn, und wir der Conventt gemain daselbs, und Ich junkhfraw Ursula, Hannsen des Schorndorffer weilent Urtailschreiber ze wienn und Annen seiner hausfrawn seligen Tochtter, Convenntswester des vorgenanten Chlosters. Bekennen fuer uns und all unser nachkoemen offennlich mit dem brief, daz wir mit guetem willen und wolbedachtem muet, zu der zeit, do wir das wol getuen moechten, und mit hannden der Ersamen weisen und des vessten Ritters hern Hannsen des Steger zu den zeiten Burgmaister und kellermaister und des Rats gemain der Stat ze wienn, verkaufft haben, ain haus, das die egenante junkhfrawn Ursulen unser Conventswesten, von der vorgenanten Annen Irer mueter seligen ist anerstorben und an-geerbet, gelegen an des herzogen hof ze wienn zenachst sand Pangrêtzen kirichmaur, davon man jêrlich dient, derselben sand Pangrêtzen kapellen, fumfundviertzig wienner phennig ze Puerkch-recht und nicht mer. Dasselb haus haben wir Rechtt und redlichen verkaufft und geben, mit allen den nuetzen und rechten als das von altter also in Puerkchrechts gewer herkoemen ist, umb zehen phunt wienner phening der wir gantz gewert sein. dem Erbern Hainreichen Veygenproedl dem Muennsser Burger ze Wienn und seinn erben fuerbaser ledigkhlichen und freylichen zehaben und allen Iren frumen damit zeschaffen, mit verkauffen versetzen schaffen machen und geben wem Si wellen, an alle irrung ungevêrlich. Doch also, daz Si und alle die, die das obgenant haus innhabent und besitzent mit der egenanten Stat ze Wienn davon leiden suellen, als ander mit-burger daselbs. Wir seinn auch mitsambt allen uensern nachkoemen unverschaidennlich, des-selben hauss des benanten Hainreichen des Veigenproedl und seiner erben, Rechtt gewern und Scherm fuer alle ansprach, als puerkhrechts und der vorgemelten Stat ze Wienn Recht ist. Wêr aber, daz In icht krieg oder ansprach daran auferstuenden von wem das wêr mit Recht was si des schaden nement das suellen wir In alles widercheren an allen Iren schaden. Si sullen auch das haben datz uns und unsern nachkoemen unverschaidennlich, und auf allem unserm guet, das zu dem egenanten unserm Chloster datz sand Mariamagdalen gehoeret, wie das genant ist, nichts ausgenommen. Mit urkund des brieffs Besigelt mit unser obgenanten..der Pryorinn und des Convents baider anhangunden Insiglen, daruender ich mich obgenante junkhfraw Ursula mit meinen treun verpinde, alles das stêtzehaben das vor geschriben stet. Und mit der eberuerten Stat ze Wienn angehangem Gruntinsigel. Geben an mittichen nach sand Johanns tag ze Sunn-benndten nach Christi gepuerd virtzehenhundert jar, darnach im achtunddreissigistem jare.

Source Fulltext: Peter Peusquens