Ich Wolfgang Rukchendorffer Bechenn fuer mich und meine geswistreid dafuer Ich mich gêntzlich annym und fuer all unser erben und tuen chund offennlich mit dem brief von der zwaietunddreis-sig phunt phenning wegen, die vorzeiten unser lieber herr und vater her Jorg der Rukchendorffer seliger gedechtnuess Hainrichen dem Schepach ze seiner hausfrawn Annen seligen, die desselben unsers vater junkchfraw gewesen ist ze heyratguet gegeben und die Ir derselb Schepach auf seinem haus an unser frawn Stiegen ze Wienn gelegen widergelegt und verschriben gehabt hat Nach lautt ains heyrathriefs darumb ausgegangen Das Ich an stat mein und meiner geswistreiden Die erbern frawn Kathrein, des egenanten Schepachen seligen tochter yetz Sigmunds des Têglich hausfrau der egenanten zwaiunddreissig phunt phenning gêntzlich ledig gesagt hab wissentlich mit krafft des briefs Das wir und unser erben fuerbas hintz Ir und Irn erben, darumb chain an-sprach noch zuespruech haben wellen in dhainerlai weis an alles gevêr Mit urchund des briefs besiglt mit meinem aufgedrugkchtem Insigl Geben ze Wienn an Eritag nach des Heiligen kreutz tag als es Erfunden ist Anno domini millesimo quadringentesimo tricesimo octavo.

Source Fulltext: Peter Peusquens