Den Ersamen fuersichtigen weisen herren..dem Burgermaister und dem Rat der Stat ze Wienn und auch den vorwesern Irs Gruntpuchs Embewt Ich Lucas Saltzer von Olmuntz Mein undirtenig dinst Ich lass ewr ersamkeit wissen, daz Ich mein haws, das weilent Hannsen des Irher gewesen ist bey ew ze Wienn an dem Harmarkt gelegen am Egk gegen Jorgen von Nicolspurgk haws uber zenagst Ulreichs von Steir haws, dem erbern Niclasen dem Kramhover ewrm mitburger und seinen erben zu kauffen gegeben habe, nach laut ains kaufbriefs, den er ewer weishait darumb fuer-pringen wirdet. Pitt ich ewr lieb und fursichtikait mit gantzem vleisse Ir wellet denselben kauff und kaufbrieff bestetten besigelen und vertigen, als solher ewir gruntt Sit und gewonhait ist. das wil Ich umb ewr Ersamkait allzeit gern verdienen, wannn Ich ew hiemit aufsennd alle die ge-rechtikait, die Ich an demselben haws gehabt hab ungeverlichen. Mit urkund des briefs besigelt mit meinem aigen aufgetruktem Ingsigel des ist getzeug durch meiner vleissigen pet willen der erber Paul Gunther Purger ze Olmuntz mit seinem aufgetrucktem Insigel Im und seinen erben an schaden Geben ze Olmuntz noch Cristi gepurt firtzehenhundert jar in dem sibenunddreisigisten jare an Sent Ffrancisci tag des peichtigers.

Source Fulltext: Peter Peusquens