Wir Johannes von gots gnaden des heiligen romischen reichs Burggraf ze Maidburg und Graf ze Hardekk Bekennen und tuen kund offenleich mit dem brief das wir unserm lieben getrewn Fridreichen dem Elten Fritzesdorffer durch willen seiner diemutiger gepêt und maniger trewer diennst die er uns getan hat und furbas tuen sol und mag und seinen erben von sundern gnaden erlaubt und gegunnet haben die hernach geschriben Ekcher aws den zwain hoefen zu Nidern Nelib gelegen unserr lehenschaft die Sy von uns ze lehen haben zue purkchrecht furbaz zue haben und auszugeben Erlawben und gunnen In das wissenleich mit kraft ditz briefs, des ersten die praiten die da stoest an den See und an die Laimgrueb, darnach den Prukchluess den Newiger das Ekcherl an dem Stainportzlein das Ekcherl, und den Wisflekch hinder dem Munich, die praiten, die da stost an des Pleibenweinwochen pawmgarten In dem veld gen Obern Nelib, daz Ekcherl an dem Stainportz da die Wasserspueln durchgeet, den kalichakcher, und die Ekcherl auf den suchlugern mit aller Irer zugehorung zu ainzigen oder miteinander wann und wem Sy wellen und wie In am nechsten furkumbt fuegt und gevellet, als purkchrechtes und Lanndes ze Osterreich recht ist, an all unser Irrung an gevêr Doch also daz man solichen diennst, der purkchrecht darauf jerleich zue dienn gesetzt wurdet, In die egenanten hoef jerleich und ewikleich dienn sol, und daz Sy den-selben diennst von uns unsern erben und nachkomen zue sambt denselben zwain hoefen furbaz zu lehehen haben und emphahen sullen alsofft dez not geschicht und als lehens und Lanndes ze Osterreich recht ist, angevêr. Mit urkund dez briefs besigelt mit unserm anhangundem Insigel Geben ze Retz an Mitichen vor Ostern Nach Kristi gepurd virzehenhundert Jar und darnach in dem Annderm Jare.

Source Fulltext: Peter Peusquens