Wir Swester Kathrey die Oederynn zwe den zeiten Abbtissynn, datz sand Niclas vor Stubentor ze Wienn, und der Convent gemayn daselbigs Tuen chund offenleich mit dem brief, das wir von des gepotes wegen, So weylent der hochgeborn fuerst, Hertzog Ruedolff sêlig In Oesterreich, In der Stat und vorsteten ze Wienn, umb purkchrechts abloesung aufgesatzt und gepoten hat Rechtt und Redleich, abtzeloesen geben haben, dem Erbern Mann Hannsen dem Rotsmid frawn Kathreyn seiner hawsfrawn, und Ir baider Erben, Sechtzig wienner phening gelts purkchrechts, die wir gehabt haben, auf Irem haws gelegen In der Schefstrazz vor Stubentor ze Wienn ze nêchst Christians haws des Rotsmids, umb zway phunt wienner phening, der Sy uns gantz und gar ver-Richtet und gewert habent. Also das Sy, und alle die, die das vorgenant Ir haws Innehabent und besitzent, der vorgenanten Sechtzig phening gelts fuerbas Ebigkleich darab ledig und frey sein suellen, und der davon nicht mer ze dienn, und suellen auch wir noch all unser nachkoemen noch ander yemant von unsern wegen fuerbas auf das vorgenant Ir haws von der egenanten Sechtzig phening gelts wegen, weder mit brief und urchunt noch an brief und urchund noch mit chaynerlay andern sachen, wie die genant sind, nymermer chayn ansprach noch vordrung haben noch ge-wynnen in dhaynweg. Wêr abêr, das fuerbas icht brief oder urchund fuerpracht wurden, von wem das wêr, die auf das vorgenant Ir haws, umb die egenanten Sechtzig phening gelts sagten, dieselben brief und urchund, schuellen denn allerding tod und zenichte sein, und chayn chraft haben, und darueber So geben wir fuer uns, und fuer all unser nachchoemen In den brief zwe eynem warn urchund, der sach versigilten mit unsern bayden angehangen Insigiln, der geben ist ze Wienn nach christi gepuerd, viertzehenhundert Jar, darnach In dem andern Jar, des nêchsten freytags nach dem Prechemtag.

Source Fulltext: Peter Peusquens