Wir Albrecht von gotes genaden Herczog ze Österreich ze Steyr ze Kernden vnd ze Krain Graf ze Tirol zc. Bechennen vnd tün chund vmb den Hof ze Pawngarten gelegen am Liechtenperig in Wässenberger gericht, der von vns ze lehen was vnd den di erbern geistlichen vnser lib andächtigen ... der Abt vnd der Conuent dez Chlosters ze Wilhering von den Tvnbsingern¹⁾ von Steyr in ir gewalt pracht haben, daz wir ze vodrist durich got vnd durich vnsrer vordern Sele trostes vnd Hayles willen dem vorgenanten Apt vnd dem Conuent vnd auch dem Goczhaus ze Wilhering die aygenschaft dez egenanten Hofs ze Pawngarten vnd swaz darzw gehort gegeben haben vnd geben auch mit chraft dicz brifs also daz si deu ewichleich haben vnd besiczen vnd iren frum damit schaffen sullen vnd mügen alz mit andern iren vnd dez egenanten irs chlosters aigenen gütern an alles geuär mit vrchund dicz brifs. Geben ze Lyncz an sambcztag vor sand Katrein tag Nach kristes gepurd drewczehen Hundert jar dar nach jn dem Newn vnd Sibenczigisten Jar.||
Dnus Dux per Wernhardum de lyncza²⁾ zc.

Source Fulltext: OÖUB 9 (Wien 1906) S. 743