Ego Espinus de Hag notum fieri cupio vniuersis, quod accedente bona voluntate et consensu optimo vxoris mee et heredum meorum curiam meam in Neundorf cum omnibus suis pertinentiis, quocunque nomine censeantur, domino abbati et conuentui in Wilhering sub iusta et consueta venditionis forma dedi et vendidi pro triginta duobus talentis denariorum wiennensis monete in proximo festo beati Georii martiris integraliter persoluendis renuntians plene omni proprietati et iuri, quod ego et vxor mea predictique heredes mei hactenus habuimus in curia memorata. Et ut dicte emptionis et venditionis tractatus inter prefatum dominum abbatem et me habitus maioris firmitatis robur capiat, promitto presentibus me infra instans festum beati Georii martiris facturum et exhibiturum consensu spontaneo quaslibet certitudinis et stabilitatis conditiones et pactiones, quas dominus Eberhardus de Wallsse judex prouincialis aliique nobiles ad hoc vocati pro confirmatione perpetua dicte curie memorato domino abbati et ecclesie sue per me fieri decreuerint et iudicauerint statuendas ratas eas habendo et inconcussas perpetuo sine lite. Jn cuius rei testimonium presentem litteram sepedicto domino abbati et conuentui tradidi sigilli mei karactere consignatam. Datum anno domini M°. CCC°. quinto Nonas Martii.

Source Fulltext: OÖUB 4 (Wien 1867) S. 334-335, Nr. 359