Charter: Seitenstetten, Benediktiner (1109-1738) 1385 XII 06
Signature: 1385 XII 06
Add bookmark
Edit charter (old editor)
6. Dezember 1385, Sine loco
Margreth, Conrad des Preuer, Bürgers zu Enns Hausfrau gibt dem Stifte das von ihrem ersten Gatten Conrad dem Stempfel, Bürger zu Steier, zu einem Jahrtage vermachte Gut am Grasberg zu Neunkirchen an per Ipf auf.Source Regest: RAAB, Seitenstetten (=FRA II/33, Wien 1870) S. 329, Nr. 286
Current repository:
Stiftsarchiv Seitenstetten (http://www.stift-seitenstetten.at)
Stiftsarchiv Seitenstetten (http://www.stift-seitenstetten.at)
Die Siegel fehlen. Material: Pergament
Jch Margret, Chunrats des Prewer, purger cze Enns, hausvraw vergich offenbar vnd tuen chund allen lewtn, di den brief ansehent, lesnt oder hornt lesen, Daz mein voderr wirt, Chunrad der staempfel, weillnt purger cze Steyr, dem Got gnad, mit wolbedachtem muet vnd mit gutleichem willen zu der czeit, da er daz mit recht wol tuen macht, durch vnser paider vnd aller vnserer vodern sel hail, recht vnd redleich hat geschafft vnd gegeben dem ersamen Gotshaus cze Sitanstetn daz guet am Grasperig gnant in der pfarr cze Newnchirchen auf der Ipf gelegen, das von demselbn Gotshaus cze Sitanstetn rechtez lehen ist gewesn, mit allen ern, rechten vnd nuczczen, di dar czu gehornt vnd da von bechommen mugen cze hollcz vnd cze velld vnd hofmarich, wismad vnd waid, besucht vnd vnbesucht, gepaut vnd vngepaut, bestifft vnd vnbestifft, Allso daz der ernwirdig geistleich herr der Abbt vnd der ersam Conuent des vorgenantn Gotshaus cze Sitanstetn daz obgenant gut am Grasperig mit aller zugehorung czu irn freyn aygen schulln inn haben vnd nyezzen, vnd schulln vnd mugen allen irn frum da mit hanndeln, als mit andern irn freyn aygen guetern an alle irrung. In der beschaidnuss, daz sew all iar meines vorgenanten wirts Chunrads des staempfel an seinem Jartag, des nastn tags vor der heyligen magt sand Lucie tag in Vigili vnd selmess besunder gedechtnuss schulln begen, nach irs orden gwonhait. daz vorgeschribn geschefft vnd di gab hab ich vorgenante Margret mit guetleichen will staet gehabt. Mit vrchund des offenn briefs, versigillt durch meins vleizzigen pets willn mit meines lieben vorgenantn wirts Chunrads des Prewer vnd Wolfharts des Gellwaicz, purger cze Enns, anhangunden Insigilln, in vnd allen irn eribn an schaden, wann ich aygen Insigil nicht hab. Geben nach vnses heren Christi gepurd vber dreiczehen hundert iar im fumf vnd achtczikisten Jar, an des heyligen sand Nycla tag.
Source Fulltext: RAAB, Seitenstetten (=FRA II/33, Wien 1870) S. 329
Original dating clause: an des heyligen sand Nycla tag
Comment
Niederneukirchen, im Lande ob der Enns, Traunkreis im Decanate Enns.Language:
Places
- Enns (GB EN)
- Pfarre Niederneukirchen (GB LL)
- Seitenstetten, Benediktinerabtei
geographical name
- Grasperig
- Regular Form: Grasberg (GB LL)
- guet am Grasperig gnant in der pfarr cze Newnchirchen auf der Ipf gelegen
- Regular Form: Gut am Grasberg in der Pfarre Niederneukirchen auf der Ipf
Persons
- Konrad der Preuer, Bürger von Enns, Siegler
- Konrad der Stempfel, Bürger von Steyr, erster Eheman von Margarethe
- Margarethe, Ehefrau von Konrad dem Preuer, Bürger von Enns, Aussteller
Seitenstetten, Stiftsarchiv, Seitenstetten, Benediktiner (1109-1738) 1385 XII 06, in: Monasterium.net, URL </mom/AT-StiASei/SeitenstettenOSB/1385_XII_06/charter>, accessed at 2024-05-04+02:00
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
You are copying a text frominto your own collection. Please be aware that reusing it might infringe intellectural property rights, so please check individual licences and cite the source of your information when you publish your data
The Charter already exists in the choosen Collection
Please wait copying Charter, dialog will close at success