Urbanus episcopus, seruus seruorum dei, Vniuersis christi fidelibus presentes litteras inspecturis Salutem et apostolicam benedictionem. Licet is de cuius munere venit, ut sibi a suis fidelibus digne et laudabiliter seruiatur, dehabundantia sue pietatis, que merita supplicum excedit et uota bene seruientibus sibi multo maiora retribuat quam valeant promereri, nichilominus tamen desiderantes domino reddere populum acceptabilem et bonorum operum sectatorem, fideles ipsos ad complacendum sibi quasi quibusdam muneribus allectiuis, indulgencijs videlicet et remissionibus invitamus, ut exinde reddantur diuine gracie aptiores. Cupientes igitur, ut Monasterium beate Marie in Sytansteten ordinis sancti Benedicti Patauien. dioc. congruis honoribus frequentetur et ut christi fideles eo libencius causa deuocionis confluant predictum ad Monasterium, quo exhijs (?) ibidem dono celestis gracie conspexerint se refectos, de omnipotentis dei misericordia et beatorum Petri et Pauli apostolorum eius auctoritate confisi omnibus vere penitentibus et confessis, qui in Natiuitatis, Circumcisionis, Epiphanie, Resurreccionis, Ascensionis, Corporis dni. nostri ihesu christi ac Penthecostes nec non in Natiuitatis beati iohannis bapiste, dictorum apostolorum Petri et Pauli ac sancte Dorothe virginis et ipsius Monasterij dedicacione festiuitatibus et in celebritate omnium sanctorum nec non per ipsarum Natiuitatis, Epiphanie, Resurreccionis, Ascensionis, Corporis dni. ac Natiuitatis et Assumpcionis beate Marie et Petri et Pauli apostolorum predictorum festiuitatum octabas et per Sex dies dictam festiuitatem Penthecostes in mediate sequentes Monasterium ipsum deuote visitauerint annuatim et ad sustentacionem ipsius pias elemosinas erogauerint singulis videlicet festiuitatum et celebritatis (?), Annum et Quadraginta dies de iniunctis eis penitentijs in domino misericorditer relaxamus. Volumus autem, quod si alias visitantibus predictum Monasterium vel ad fabricam ipsius manus porrigentibus aut alias inibi pias elemosinas erogantibus aliqua indulgencia in perpetuum vel ad certum tempus nondum elapsum duratura auctoritate apostolica fuerint concessa (?), huiusmodi presentes nostre littere nullius existant roboris uel momenti. Datum Rome apud Sanctumpetrum VI. Idus Aprilis Pontificatus nostri Anno Quarto.

Source Fulltext: RAAB, Seitenstetten (=FRA II/33, Wien 1870) S. 294-295