"Hieronimvs Verallus(1), Dei et apostolice sedis gratia archiepiscopus Rossanensis, ad serenissimum principem Carolum, Romanorum jmperatorem semper augustum, ac vniuersam Germaniam, sanctissimi domini nostri Pauli(2) pape III et apostolice sedis nuntius cum potestate legati de latere: Dilecto nobis in Christo Hieronimo Ricio(3), nobili domino temporali castri de Sprinzenstain, Patauiensis diocesis, salutem in Domino sempiternam. Exponi nobis nuper humiliter fecisti, quod cum castrum de Sprinzenstain predictum a parochiali ecclesia loci Sarlenspach(4) dicte Patauiensis diocesis, sub qua est adeo procul et remote existat, vt tu, qui eiusdem castri dominus temporalis existis, et tua familia commode et etiam sine magnis incommoditatibus ad dictam parochialem ecclesiam pro diuinis audiendis officijs adire non potestis. Et sicut eadem expositio subiungebat, si capellano siue rectori pro tempore existenti, capelle siue ecclesie ruralis sancti Leonardi(5) site sub districtu prefate ecclesie parochialis, qui solum ratione dicte sue capelle ~ et illius fundatione singulis diebus veneris vnam missam in eadem capella dicere et celebrare habeat licentiam, in dicto castro et sacello siue oratorio inibi existenti, singulis dominicis et alijs festiuis diebus fructibus, redditibus et prouentibus eiusdem capellanie pro sustentatione capellani illius de bonis tuis nichilominus augmentatis celebrandi et recitandi concederetur ex hoc profecto tue tuorumque heredum et successorum comoditatibus et animarum saluti non parum consuleretur. Jdeo pro parte tua nobis humiliter supplicatum fuit, vt tibi, tuisque heredibus et successoribus prefatis super premissis de oportuno remedio prouidere de benignitate apostolica dignaremur. Nos igitur huiusmodi tuis pijs et iustis ac humilibus supplicationibus inclinati, auctoritate apostolica nobis concessa et conmissa, qua fungimur in hac parte, tenore presentium, vt deinceps perpetuis futuris temporibus liceat capellano siue rectori dicte capelle ~ sancti Leonardi, pro tempore existenti, singulis dominicis et alijs festiuis diebus fructibus, redditibus et prouentibus dicte capelle ~ de bonis tuis durante tempore celebrationis huiusmodi ad octo florenos Rhenenses augmentatis et singulis diebus eisdem, quibus id fecerint, prandio eisdem dato missam in eodem castro seu sacello predictis, etiam absque licentia rectoris de Sarlenspach pro tempore existentis et non alias dicere, recitare et celebrare, et ad hoc dummodo ipse dies festiuus in ipso die veneris non cadat, obligatum et astrictum fore et esse decernimus. Sibique licentiam desuper concedimus et facultatem pariter et indulgemus, non obstantibus constitutionibus et ordinationibus apostolicis, necnon fundationi et dotationi dicte capellani sancti Leonardi priuilegijs quoque jndultis et litteris apostolicis eidem et illius capellano quomodolibet concessis, confirmatis et approbatis, ceterisque contrarijs quibuscunque. Datum in oppido Haylpronn, Herbipolensis diocesis, anno dominice jncarnationis millesimo quingentesimo quadragesimo sexto, septimo jdus januarij, pontificatus eiusdem domini nostri Pauli, pape III, anno tertio decimo."||
||
Eigenhändige Unterschrift unter der Plica links: "+ Hier[onymus] Archiepiscopus Rossanensis"||
Auf der Plica rechts: Lud. Allemanus.||
Unter der Plica links: Jo. Bapt. dominj secretarius. ||
Darunter: indultum celebrandi in castro Prinznstein ad nostrum dominum in heredibus (?)||
Unter der Plica rechts: F. de Prado Calderon. / Taxe fl. III.

Source Fulltext: Pichler, Isfried H., Urkundenbuch des Stiftes Schlägl, Aigen i. M., 2003, Nr. 709 (Ro 5), S. 770-771