Albertus, Episcopus Salonensis, et Domini Udalrici (Ulrich von Nußdorf) Episcopi Pataviensis in Pontificalibus Cooperator (Weihbischof von Passau) testatur, se anno 1474 die Martis (Dienstag) 5. Julii speciali consensu et voluntate singularique commissione praefati Episcopi Pataviensis Chorum Capellae in Puchkirchen unacum altari suo principali in honorem S. Vincentii et S. Joannis Baptistae, aliud quoque altare in sinistro latere eiusdem Capellae in honorem gloriosae virginis Mariae et S. Floriani de novo rite et legitime consecrandum duxisse et consecrasse; dedicationem vero Chori et altarium praedictorum Dominica proxima post festum S. Margarethae (Virg. et Mart. 20. Julii) ad instantiam et petitionem Domini Udalrici, Abbatis in Peiern totiusque Conventus, ad quos dicta Capella, pleno iure spectari dinoscitur, concessisse et statuisse annuatim celebrari. Cupiens itaque, ut dicta Capella et altaria congruis frequententur honoribus, omnibus vere poenitentibus et confessis, qui dictas Capellam et altaria in Nativitatis, Resurrectionis et Ascensionis D. N. Jesu Christi, Penecostes, singulis gloriosae virginis Mariae, Apostolorum et Omnium Sanctorum ac dictae Capellae et altarium patrociniorum et dedicationis festivitatibus devote visitaverint, ad reparationem quoque et conservationem eorundem necnon calicum, librorum et aliorum ornamentorum pro divino cultu inibi necessariorum manus suas porrexerint adiutrices, 40 dies criminalium et 80 venialium peccatorum indulgentiam relaxat. Praesentibus (literis) perpetuis futuris temporibus duraturis.