Fridreich von Gots gnaden||
romischer kaiser etc.

Ersamer geistlicher lieber andechtiger. Wir emphelhen dir ernstlich und wellen, daz du auff sannd Colmanstag nagstkunfftigen gen Linnz komest, daselbs mitsambt anndern unsern prelaten, den vom adel und steten unsers furstentumbs Osterreich ob der Enns, so wir auff denselben tag auch dahin ervordert haben und unsern reten, so wir treflich da haben werden, des lannds notdurfft furzenemen, und dich darin nichts sawmen noch irrn lassest, daran tust du unser ernstliche mainung. Geben zu Grecz an montag vor unser lieben frawn tag nativitatis anno domini etc. lxxviii^o unsers kaisertumbs im sibenundzwainzigisten jar.