Wir Thoman von Gottes genaden abbt zu Lambach bekennen mit dem brieve, daz fur uns komen ist Kunrat von Mullewtten und hat uns underweist mit briefleicher urkund, ausganngen von unserm vorsedel abbt Erasm saliger gedachtnuss und von unserm convenntt von der halben hub wegen zu Mullewtten, gelegen in Swannser pharr, daz die sein rechts vaterleichs erib und eribrecht von uns und unserm gotshaus ist, dann halbew mul dabey hat er verkaufft, bat uns der gemellt Kunrat vleissig, das wir im und allen sein eriben also halbe hub mit aller zuegehorueng geruchten zu bestatten und verleichen, das wir also getan haben und auch tun wissentleichen in kraft des briefs, was wir in rechtleichen daran bestatten und verleichen sulln oder mugen, doch daz man uns und unserm gotshaws all jar jarleichen davon raichen und dienn sol nach innhaltung unsers gotshauss urbarpuch lawtt und sag. Wir melden auch, das sy kainerlay wanndlung damit nicht haben sullen in kainerlay weis an unser hanndt und gutem willen, und sulln uns auch alles daz davon leyden und dulden, daz annder unsers gotshauss eribler gein uns leident und duldent unverczigen unsers gotshauss rechten in allen sachen. Ze urkund geben wir in des also den offenn brief, besigeltem mit unserm anhanngunndem insigel. Geben als man zalt nach Kristi geburd in dem vierczechenhundertundvierundvierczigisten jaren an eritag nach Juliane.